Skor - I de Schwiiz Lyrics und VIDEO

Skor - «I de Schwiiz» Lyric aus dem Album «Skor und Nachteil»

Der Zürcher Rapper aus Horgen präsentiert mit «I de Schwiiz» seine zweite Single-Auskopplung.

Hier geht es direkt zur Webseite des HipHop-Künstlers Skor.

 

I de Schwiiz Lyrics - Skor

Skor Lyrics 1. Strophe:

Das isch de Winter für d Schwiiz.
Jede Summer gaht verbi.
En Staat wird nur gliebt, solang er funktioniert.
Und drum gsehsch deprimierti Gsichter wän d'luegsch.
Will di deponierte Gfühl wandlet sich i Wuet.

Es isch en schöne Versuech eusi Demokratie, aber wo füehrt si hi?
De Mantel wo si treit, bhaltet si bedeckt.
Es hät immer nume eine drunder Platz wo sie versteckt.
Sie würkt nöd so adrett, doch chalt isch sie.
Und sie wünscht sich doch sälber, dass sie abglöst wird.

Vilicht vo dir? vilicht au niä.
Vilicht isch es au eifach zfrüeh, will de Schwiizer sich begnüegt.
Mit sinere Büez und em Batzä dafür, und de Struktur wo ihn füehrt.
Er isch z'müed zum überlegä, z'fuul zum was ändere.
Hauptsach nöd dra dänke. Doch jetz isch Winter i de Schwiiz.



Skor Lyrics 2. Strophe:

Das isch de WInter für d'Schwiiz und de Sturm de chunt gli.
Es isch e Frag vo de Zit, und er fahrt i.
Und es nützt kei Versicherig und z'wüsse mir sind riich.
Was isch es Land mitere Jugend ohni Ziel?

Nur es depressivs Kollektiv, mit bitz Hoffnig, dass öpert z Rueder umeriisst.
Und ich mein nöd Politik, nei, wobi es bitz au.
Doch was macht s Volk gnau?

Wäns grad nöd a Plakat glaubt, läbt jede für sich.
Und vertraut uf de Staat und spielt mit.
Es isch keis Gheimnis, dass d Schönheit bequem macht.
Aber d'Chöpf au mal leer macht.
Dänk na Brüeder, will früener oder spöter wirds gföhrlich da drin.
Und mini Schwiiz brucht dini Stimm.

Vilicht nüme a de Urne, eher uf de Strass.
Vilicht bisch en Bürokrat, häsch en Job uf de Bank … gha.
Jetz stahsch da, ....
Schreisch Parole id Nacht, wo niä zrugghalt.
Mer hät din Rucksack klaut voller Freiheit.
Früener häsch no meh gseit.
Doch jetzt isch Winter i de Schwiiz.



Skor Lyrics 3. Strophe:

Das isch de Winter für d Schwiiz.
Und alles was no blibt, isch d Erinnerig ad Zit
wones Stuck wiit zrugg lit.
Und s Bewusstsi, wo sich ischlicht.
Dass zum riich si immer öpper zallt.
I eusem Fall Bergä vo Liichä, wo d Banke beriicheret.
Während mir imne Laufrad wi Viecher de ganz Shit atriibet.
Doch eigentlich nume stah blibet.

D Schwiiz hät es schiiheiligs Anlitz.
Und d Neutralität isch ihre ganz Bsitz.
Und au de wird verflüsse.
D Schwiiz fangt a lüge.
Und hät nüt bessers ztue als sich izschlüsse.
Sie chönt en Insle si, öpis wiä nes Exil.
En Wältstaat mit modernerä Ziel.
Doch es blibt so wiäs isch und wiä mr sie kännt
D Schwiiz als es Experiment.
Doch jetz isch Winter für sie.

Und ich küss ere Tschüss, winkere nah.
Vilicht gsehmer eus wider emal, wider emal, … wider emal

Und ich küss ere Tschüss, winkere nah.
Vilicht gsehmer eus wider emal, wider emal, … wider emal

Und ich küss ere Tschüss, winkere nah.
Vilicht gsehmer eus wider emal, wider emal, … wider emal


Rapper: Skor.
Song-Titel: I de Schwiiz.
Album: Skor und Nachteil.
Video-Clip Reggisseur: Cyril Schäublin.